മഴ തോർന്ന ഇളവെയിലിൽ മുളക്കുന്ന ഓർമ്മകൾ !



ഒറ്റ




















ഒറ്റയുടെ കൂടിനുള്ളിലായിരിക്കുമ്പോഴാണ്‌
ഉച്ചത്തിൽ കൂവിയാർക്കേണ്ടി വരുന്നത്‌
'നമ്മളു'ണ്ടായിരുന്ന കാലം
എത്ര നിശബ്ദമായിരുന്നു സ്നേഹം


ഓര്‍മ്മ 



നിഴലു പോലും കൂട്ടിനില്ലാത്ത
അകലത്തിലേക്ക്‌ മാറിയിട്ടും
ഒരു നെടുവീർപ്പിടെ വന്നു വിഴുങ്ങുന്നു
നിന്റെയോർമ്മയുടെ തിമിംഗല കുഞ്ഞുങ്ങൾ..


ഇറക്കം 
 
വീട്ടിലല്ലേ എന്നാരോ ചോദിക്കുന്നു;
നീയിറങ്ങിയപ്പോൾ
കൂടെയിറങ്ങിയതാണ്‌ ,
വാതിലുകൾ, ജനലുകൾ, മേൽക്കൂര..!
ഉറക്കമില്ലാത്ത രാത്രികളിലെത്ര
പരതിയിട്ടും കണ്ടെടുക്കാനാകുന്നില്ല
പഴയ നക്ഷത്രങ്ങളെ !


 വേദന 
 
മുറിച്ച്‌ മാറ്റി വെക്കുന്നു
എന്നത്തെയും പോലെ
ഒരു കഷണം.
നീ തുറന്ന് നോക്കാത്ത
എന്റെ മാത്രം വേദനകൾ.. ! 



മടുപ്പ്

മടുപ്പിന്റെ നെറുകയിലിരുന്ന്
തിരിഞ്ഞു നോക്കുന്നു.
നിറഞ്ഞിരുന്ന ഇടങ്ങളിലെ ഞാനില്ലായ്മ,
നിറഞ്ഞിരിക്കുന്ന ഇടങ്ങളിലെ ഞാനല്ലായ്മ !!



തിരിച്ചിറക്കം

തിരിച്ചിറക്കം,
മണ്ണിലേക്ക്‌
ജീവിതത്തിലേക്ക്‌
ഏറെ നേരമില്ലിനി പകലിലേക്ക്‌, നിന്റെയോർമ്മയുടെ ഇരുട്ടു നീങ്ങുവാൻ



വാക്കറ്റം :
 
മഴ തോർന്ന
ഇളവെയിലിൽ മുളക്കുന്ന ഓർമ്മകൾ ! 




 

2 അഭിപ്രായങ്ങൾ:

  1. മുറിച്ച്‌ മാറ്റി വെക്കുന്നു
    എന്നത്തെയും പോലെ
    ഒരു കഷണം.
    നീ തുറന്ന് നോക്കാത്ത
    എന്റെ മാത്രം വേദനകൾ.. !

    മറുപടിഇല്ലാതാക്കൂ
  2. മഴ തോർന്ന
    ഇളവെയിലിൽ മുളക്കുന്ന ഓർമ്മകൾ !

    മറുപടിഇല്ലാതാക്കൂ

സുഹൃത്തേ .. ഇനി നിങ്ങളുടെ ഊഴം. ഔപചാരികതയുടെ പൊള്ളയായ വാക്കുകള്‍ക്കപ്പുറം ക്രിയാത്മക വിമര്‍ശനങ്ങള്‍ ആയാല്‍ സന്തോഷം !!

മഷിത്തണ്ടിന്റെ കൂട്ടുകാര്‍